Сегодня расскажем вам о волонтерах Кетченеровского района @adm_ket Республики Калмыкия, которые присоединились к Акции #МЫВМЕСТЕ

🔊Мана орн-нутгт хальдврта гем түгҗәх кемд әмтнд дөң күргллһнә керг-үүлдврмүд түргәр батлгдв. Эн әәмшгтә гемд хамгин түрүн болҗ авлгдгнь медәнтнр, көгшдүд, күнд гемтә улс. Тегәд эдниг эн гемәс эртәснь саглулхин төлә олна көдлмш шунмһаһар күцәгдҗәнә.
Хойр сарин эрцгд Көтчнрә районд эврә дурарн дөчн негн седклтә нөкднр (волонтермуд) медәтә, көгшн, гемтә-шалтгта улст өдр болһн туслмҗан күргҗәнә.
Келхәс, гемтә-шалтгта, медәтә, мөчнь-тату арһ уга улст дөң-тусан седкләсн күртәҗәх күн болһн онц. Эврә цаган, бийән әрвлл уга, буйнч керг-күцәҗәх нөкднриг темдлх кергтә гиҗ тоолҗанав.
Мел иим улсиг бидн эндр “#Героивмасках“, гих зөвтәвидн (сернҗлтә баатрмуд). Юңгад тадн седклтә нөкднр (волнтермуд) болвт?”, гихлә иигҗ хәрү өгцхәв.

👩‍🦰Мария Алыкова, Көтчнрә селән: “Би сән дурарн әмтнд нөкд болнав, юңгад гихлә гемтә болн көгшн улст нөкд болхла, бийдм тааста болна”.

👩🏻Мөңкнә Өлзәт, Тугтн селән: “Күн болһн күүнд нөкд болҗ чадх. Би түрҗәх кү үзә бәәҗ дөң боллго хаҗуһарнь давҗ һарч чадшгов”.

👱‍♀Лидҗин Кермн, Чкаловский селән: “Би эврә дурарн волонтер болҗанав. Буйнч кергәрн олн-әмтнд нөкдән күргхәр”.

👩‍🦰Борлга Гилян, Көк булг селян: “Би эврә санаһарн дөң болҗанав. Тер юңгад гихлә, мини кесн көдлмшин хөөн ашлврнь даңгин медгднә. Дәкәд болхла, бийдм кесн тоотм таасгдна, өдр өңгәр давхш, күүнд олз-тус болна”.

Буйнч тусан күүнд күргсәрн, ханлт күргсн күн, буйнч седклән, дөң-тусан хулдснла әдл”.